3×3 Streetball Curaçao

E vishon di FDDK ta pa stimulá práktika i konsiensia deportivo na Kòrsou tantu aktivo komo pasivo, hasiendo aktividatnan aksesibel pa tur hende i dunando guia profeshonal na deportista- i siudadanonan.

Teniendo kuenta ku su vishon, awor FDDK ta organisá otro evento pa nos hóbennan ku ta karga e nòmber di 3×3 Streetball Curaçao. E evento aki ta e promé “National 3×3 Hoops Qualifiers” pa hóbennan di 15 pa 17 aña aki na Kòrsou dianan 28 i 29 di òktober próksimo den Sala Niels Liberia na Stadion Odulio Willems, Suffisant. E tim ku gana, lo representá Kòrsou na “Antilles IBF 3×3 Hoops Final”!

Tur hoben nasé entre 1999 i 2001 ku ta gusta basketbòl por forma su tim di 4 persona i inskribí via di www.3x3planet.com. Inskripshon ta fl. 50,- pa tim. Timnan mester ta uniformá i ku number. Por inskribí te ku dia 23 di òktober!

Kon pa inskribí?:

1. Bai riba 3x3planet.com
2. Traha un account (bo tin dos opshon pa traha un account, “create account” (bo mester yena tur kos) òf “create account with facebook” (e ta wòrdu yená via di bo facebook)
3. Klik riba events òf find events
4. Search riba pais “Curaçao” òf “ 3×3 Streetball Curaçao”
5. Primi register
6. Yena informashonnan pidí

Banda di e kompetensha pa nos hóbennan, lo tin un ‘celebrity contest’ ku diferente hende konosí den nos komunidat i tambe skills contest, 3 point contest i dunk contest na kua públiko por partisipá. Mas ku klaro, lo tin animashon di dj Ramil i Mc Cris Strick.

Pa tur informashon, por chèk e página di Facebook: www.facebook.com/3x3StreetballCuracao.