Sala Errol Rooi na SDK awor iluminá ku lusnan LED

Manera ta ampliamente konosí, Fundashon Desaroyo Deportivo Kòrsou, FDDK tin responsabilidat di maneho di algun fasilidat deportivo, kualnan ta SDK (Stadion Ergilio Hato), Stadion di Suffisant (Stadion Odulio Willems), Stadion di Rif (Stadion Johnny Vrutaal), i Pisina Bennie Leito. Un di e gastunan di mas haltu ku FDDK tin, ta e gastunan di mantenshon di e fasilidatnan aki.

Maneho di FDDK riba un base kontinuo ta buska solushonnan kreativo pa tene gastu di mantenshon i operashon na un nivel ku e fundashon di un forma responsabel por kubri ku e medionan na su disponibilidat.

Un di e ehersisionan ku FDDK a realisá e den yüni último, ta di laga instalá lusnan LED den Sala Errol Rooi na SDK. E teknologia LED ta konsumí ménos koriente ku e lusnan konvenshonal ku tabatin den e sala anteriormente. Manego di FDDK lo sigui traha na hasi operashon di e sentronan ku ta kai bou di su responsabilidat mas efisiente posibel. Sigur vigilando e faktornan efisensia, gastu di mantenshon i operashon di e sentronan riba un base kontinuo.