CWM tambe ta sostené “1Mion pa un mihó SDK”

E gran dia ta yegando… e dia kaminda ku komunidat kompleto lo uni pa huntu nos yega na “1Mion pa un mihó SDK”. Hopi ta e trabounan di preparashon ku ta tumando lugá ya pa simannan kaba pa garantisá éksito di e dia aki.

Ya tin kompanianan ku ta dunando nan aporte na e proyekto aki pa nos por ‘upgrade’ SDK, kombirtiend’e den e hoya den nos area. Anteriormente a anunsiá ku PwC i notario Eshuis lo supervisá, ouspisiá i legalisá e totalidat atministrativo i finansiero.Otro kompania ku a konfirmá di sostené e proyekto, ta CWM, kua kompania lo sòru pa parti di konstrukshon.

Nos ta konta ku sosten di komunidat pa nos logra nos meta final. Den e dianan benidero, lo kuminsá duna mas detaye kon abo tambe por duna bo aporte. Kòrda ku ta karga di tur kunuku ta yena Punda.

 

Reservá djasabra 17 di sèptèmber pa abo tambe ta #1den1Mion!