Deporte pa grandinan

E büro sentral di statístiknan di Kòrsou (CBS) a duna sifranan ku ta demostrá ku e poblashon di hendenan di edat den nos komunidat ta kresiendo. Si logra laga mas hende di edat ta mas aktivo deportivamente e lo trese kuné ku e segmento di nos komunidat aki ta mas saludabel. Internashonalmente ta probá kaba ku personanan ku ta aktivo den deporte ta mas salú i ta bira malu menos ku hendenan ku no ta hasi esaki. Mas ku klaro esaki lo kosta menos sèn na kuido i tambe seguro pa nos komunidat. FDDK kier organisá mas aktividat pa nos grandinan i tambe trese mas diversidat den e aktividatnan mes.