FDDK ta sigui ku su strategia di desaroyo di Sentro Deportivo Kòrsou

FDDK, despues di e proyekto “1 mion pa un mihó SDK” a sigui ku e pásonan pa kristalisá e vishon den pásonan sientífiko. Pa esaki FDDK for di 6 luna pasá a instituí un grupo di profeshonal pa hasi un análisis stratégiko pa partnernan potenshal pa invershon den e sentro di desaroyo deportivo. E grupo aki ta prosedente di “Business School Netherlands”. E grupo despues di analisá merkado na Hulanda, tabata na Kòrsou e siman tras di lomba pa bishitá diferente instansia manera bankonan, direktiva di skol, federashon olímpiko i ministerio pa analisá e nesesidat i deseo.

E meta di e estudio aki ta pa fiha e strategia ku mester bai resultá den aserkamentu di partídonan ku ta mira un vishon den un Sentro Deportivo Kòrsou komo un sentro di edukashon pa hoben riba e nivel rekreativo, kompetitivo i tambe tòp. Esaki tur ta kuadra den e sistema di Public Private Partnership ku ta un di e tareanan di FDDK den kuadro di maneho di deporte.

Riba potrètnan por haña un bista di kòmbèrsashonnan ku atletanan di Kòrsou i tambe gruponan ku proyektonan partikular i tambe eskolar.

FDDK lo sigui informá pronto riba e siguiente pasonan den kuadro di e vishon nobo pa nos fasilidat nashonal!