Deporte Eskolar 2017-2018 a ranka sali

Kompetensianan di deporte eskolar a bin ta tuma lugá ya pa mas di 20 aña. FDDK pa medio di e programa aki ta duna oportunidat pa skolnan kompetí ku otro den e diferente disiplinanan deportivo, manera, futsal, vòlibòl i basketbòl i deportenan individual, tènis di mesa, dam, ahedres, natashon, atletismo i futbòl amerikano.

Meta di e programa eskolar deportivo aki ta pa motivá praktikamentu di deporte bou di mucha- i hóbennan, loke ta bon tantu pa nan salú físiko komo intelektual. Ta probá ku muchanan ku ta ehersé un òf mas deporte tin sierto grado haltu di disiplina i sentido di responsabilidat den nan otro tareanan diario.

Djamars 3 di òktober, Deporte Eskolar 2017-2018 a ranka sali ku e disiplina di basketbòl den Sala Niels Liberia na Stadion di Suffisant. Weganan a kuminsá 2or ku e siguiente weganan:

14.00     Sta. Rosa de Lima vs St. Antonius College

14.00     Oranje School vs Advent School Koraal Specht

15.00     Kolegio San Hose vs Advent School Bonam

15.00     Kolegio Annie Koenraad vs Kolegio Chaya Willems

16.00     International School vs New Song College ( Skol avansá)

Pa keda na altura di tur akontesimentu den kuadro di Deporte Eskolar 2017-2018, sigui e página di Facebook, www.facebook.com/DeporteEskolar.