Stay updated with the latest news, inspiring stories, and achievements from the world of FDDK and sports development in Curaçao.
Fundashon Deportivo Kòrsou (FDDK) ta é punto sentral pa tur asuntu relatá ku deporte. Di organisashonnan di deporte te inisiativanan deportivo di siudadanonan. FDDK t’ei pa hinter komunidat. FDDK ta ofresé sosten di un forma strukturá i transparente na organisashonnan di deporte, skolnan i siudadanonan ku ta hasi deporte en general. E ophetivo ta pa subi deporte na skol, deporte rekreativo i kompetetitivo na nivelnan mas haltu pa medio di un ròl di fasilitadó.
Tarea di FDDK ta pa fortifiká, stimulá i aktivá deporte na Kòrsou. Esei ta enserá ku no solamente pa organisashonnan establesé i konosí, pero tambe organisashonnan nobo por konta ku sosten i guia di FDDK.
Un komunidat ku ta move i ta hasi deporte ta importante i FDDK ke duna su kontribushon na realisashon di e ophetivo ei. Chikitu i grandi, hòmber i muhé, hendenan ménos habilitá, tur hende mester por hasi deporte i move kurpa!
Uso mas efisiente di fasilidatnan deportivo tambe ta un punto di enfoke di FDDK. Hasi deporte no solamente ta algu dushi pa hasi, pero ta alabes un aktividat salú. FDDK ke kita tur opstákulo pa hasi partisipashon na deporte aksesibel i atraktivo pa tur hende. FDDK ke hasi esaki hasiendo uso mas efisiente di medio i fasilidatnan deportivo. Un komunidat ku ta hasi deporte ta un komunidat salú!
Inspirá i determiná pa empoderá e ser humano pa promové trabou den ekipo, den e búskeda kontinuo pa ekselensia uzando deporte komo medio.
Stimulá praktika i konsiensia deportivo na Korsou tantu aktivo i pasivo, hasiendo aktividatnan deportivo aksesibel pa tur hende i dunando guia profeshonal na deportista/siudadanonan.
Un reputashon ku bo ta krea a base di kua un hende por konfia ku bo ta pensa i aktua honesto
Aseptá tur hende den nan propio balor yegando na un kompromiso pa tra ku otro.
Traha huntu den koperashon ku otro pa logra un meta komun
Un estado mental kaminda bo ta pone ku bo ta hasi lo máksimo pa logra bo metanan
Un aktitut firme ku e meta pa kontagiá otro ku positivismo i mentalidat firme pa logra adelanto
Un aktitut firme den kua ta traha riba desaroyo personal di kada persona ku e meta final pa enrikesé nan konosementu
Director
Administrator
HR Officer
Office manager
Project Manager
Manager Sports
Manager Exercise
Manager Marketing
